Shillong, Rymphang 10: Ki pulit jong ka Laban police station kila kem ia u manager jong ka, Marvelene’s Inn,Rilbong, Shillong u Bah Edmund Paul Kharir 36 snem hapoh jong ka kyndon ain POCSO Act.
Ki thymmei khubor ki iathuh ba ki pulit kila leit ban kem ia u manager jong katei ka iing basa na katei ka jaka halor ka jingujor FRI jong ka seng CSWO bad ka TUR, ia kane ka iing basa la pyniaid da u khun jong u myntri kam poh iing Bah HDR Lyngdoh.
Lah ban pynkynmaw ba na ka liang jong ki bor ba pyniaid ia kane ka iing basa kila ai ka jingkren ha ki lat pathaikhubor ha Shillong Press club ha kaba kila kren shai ba ki long kiba la kloi ban ia trei lang bad ki pulit halor ka jingkynnoh pyrshah ia ka iing basa ba ka don ka jingpyniaid ia ki kam khaii met ha kane ka iing basa da u khun jong u myntri kam poh iing.
