Shillong, Jymmang 08: Ia ka sngi burom jong ki kmie ia kaba la tip kum ka “ Mother Day” la rakhe ia kane ka sngi ha Raj Bhavan ha ka sngi Saitjain, ha kaba bun ki long kmie kila ia poi ha kane ka sngi.
Naka liang jong u Lat ka jylla u la ong ba ka kmie ka dei ka nongri nongsumar ia ka iing ka sem bad na ka kmie ioh bun ki jinghikai kiba kor dor.
U Lat u la ong ba ka jingai jingmut jong ka kmie ka long kaei kaei kaba myntoi na ka bynta ki khun ki kti haki liang baroh ka la long ha ka imlang sah, ki kam trei kam ktah bad bun kiwei kiwei kiban kyntiew ia ka long briew man briew.
Ha ka jingiakren la ong ba u kpa u dei u khlieh jong ka iing, ka kmie ka dei ka kutshadem jong ka iing ka sem. Ha kino kino ki jingjop jong ka iing ka sem dei ka kmie kaba don sha lyndet la ong u Lat ka jylla u V Shanmuganathan
