Shillong, Jymmang 08: Ka jingleit on tep don burom ia u MP bad u myntri ba rim jong ka jylla Meghalaya u Bah OL Nongtdu u ba la dap 78 snem kan long la shai ka sngi ha u Lum jingtep jong ka Balang Presbyterian kaba don ha Pynthor.
Shuwa ba u Bah Nonhtdu un poi sha ka kam saiñ pyrthei u la long u Nonghikai kum u headmaster hapoh jong ka skul Sutnga Presbyterian Higher Secondary haduh u snem 1972, dei ha katei ka snem ba u la ia khun ia ka election MLA ha kaba u la jop, ha kine ki jinglong MLA ki jong u la ong u myntri ha ka sorkar jylla bad ha u snem 1996 u la shah jied kum u MP jong ka Rajya Sabha.
Ia u Bah Nongtdu la kha u u bnai 8 tarik Jymmang 1938, Ki nongialam seng saiñ pyrthei kiba la phah ia ka khubor sngewlem ki long u President ka MPCC u Bah DD Lapang. U Bah Nongtdu naduh ba u la pyniasoh ia la de bad ka seng Cngress u la ianeh haduh ki sngi ba khatduh ka jong u bad ka seng Cngress.
