Shillong, Lber 24: Ka jingthep kyrteng na ka bynta kane ka MP ilekshon ka ban long ha ka 11 tarik u bnai Iaiong kan long la shai ka sngi bad ki kyrtong ki ban dang thep kyrteng la shai ka sngi kin long ar jong jong ka BJP bad u wei jong ka seng Congress.
Katkum ki thymmei khubor u Bah Sanbor Shullai jong ka seng BJP yn thep kyrteng la shai ka sngi ha ka por 12.30 baje shiteng sngi ha Shillong, katba u Dr Mukul Sangma jong ka Congress yn thep kyrteng ha ka por 10.30 baje mynstep ha Tura bad ia u Rikman G Momin jong ka BJP.
Kumba ka paw na ka 1-Shillong parliamentary Konstitwensi kin don san ngut ki kyrtong, u Bah Boney jong ka KHNAM, Samuel Hashah kyrtong shimet, Dr Jemino Mawthoh UDP, Bah Vincent H Pala jong ka Congress bad u Bah Sanbor Shullai jong ka BJP.
Katba na Tura kumba ka paw ha duh mynta kin don tang lai ngut ki kyrtong, ka Samla Agartha K Sangma jong ka NPP, u Dr Mukul Sangma jong ka Congress bad u Rikman G Momin jong ka BJP.