Shillong, Lber 26: Ka dorbar ba kyrpang jong ka KHADC kan long la shai ka sngi ha kaba kin ia kren tang ia kawei ka mat bad kata ka long halor ka jingkynnoh ba la sei ia ka pisa jong ka KHADC haduh T.1.52 klur kaba dei na ka professional Tax bad thep sha ka account jong ki riew shimet.
Halor kane ka EC kala dep ban phah tohkit da ka Judicial inquiry bad kane ka inquiry committee ruh kala dep ban phah sha ka EC bad na ka liang jong ka EC kala wanrah hapoh ka iing dorbar bad ia kane ka kaiphot la phah pat sha ka House Committee ban bishar bnaih.
Ka House Committee, ha kaba u nongialam ka liang pyrshah u Bah Manstudy Nongrem kum u chairman jong ka committee u la ai ia ka kaiphot sha u Chairman jong ka KHADC bad na ka liang jongu Chairman ka KHADC u Bah L G Nongsiej u la khot ia ka dorbar ba kyrpang ba kin iathir ia kane ka kaiphot la shai ka sngi ha iing dorbar.
