Shillong, Lber 25: Ka jingthep kyrteng ban ia khun ia ka MP elekshon sha iing dorbar thawain jong ka Ri India Lok Sabha kan kut ha ka 27/Lber/ 2024, haduh mynta na ka bynta ka 1-Shillong (ST) Parliamentary Konstitwensi bala thep kyrteng dei tang ka Dr. Mazel Ampareen Lyngdoh na ka NPP.
Kat kum ka jingpyntip jong kiwei ki seng sain u kyrtong ka INC u bah Vincent H Pala ba dei u MP ba mynta un thep kyrteng la shai ka sngi, u kyrtong ka UDP u Bah Robert June Kharjahrin un thep kyrteng la shai ka sngi bad u Dr. Ricky A.J Syngkon na ka VPP.
Ha kane ka jingiakhun ia ka MP sha Lok Sabha mynta ka kynti na kane ka 1-Shillong (ST) Parliamentary Konstitwensi kilah ban don haduh san ngut ka ban kynthup ia u Prof. Lakhon Kma bala pynbna ban ia khun kum u kyrtong shimet.
