Mawsynram, Rymphang 12: Ka jingker ksainar shiah ha khappud bad ka Bangladesh ha ki bynta jong ka Balat bad Ryngku kala dep la slem bha bad kane ka jingker kala ia rap ban ia da na ka jingwan rung kyrthep ki Khar Bangladesh.
Ka jingker ksainar shiah ha kane ka bynta ka long na ruh jong ki shnong, kum ka shnong Purnanagar, ka Betgora bad ka Ryngku, kane kala iarap shisha ia ki paidbah nongshong shnong ha kitei ki thiain ha kaba kila ioh ban thiah suk thiah sain khlem da don jingsyier.
Ka sorkar pdeng kala shna ia ka surok ha syndah jong ka jingker ksainar shiah ban pynthikna ba ki shipai BSF kiba ap pahara ha khappud ki suk ka leit ka wan ban pahara ia u pud u sam ha kappud,
Haba u SP News Aegency u la poi sha kine ki jaka la shem ba ha bun ki bynta jong katei ka surok kala siew bad kala buh jingeh ia ki paidbah nongshong shnong kiba hap ban iaid na kine ki surok bad kum juh ia ki shipai kiba iaid pahara ha khappud bad ka Bangladesh.
