Shillong, Naitung 10: U Myntri Rangbah ka jylla u Conrad K Sangma mynta ka sngi u la pyntip lyngba ka twitter ba mynta ka sngi la test COVID-19 Positive sa 26 ngut ki shipai BSF bad ka jingdon kiba shitom kala kiew sha ka 121 ngut ha ka jylla Meghalaya.
U Myntri rangbah u la iathuh ba baroh kiba shitom ia kane ka jingpang kila kot sha ka 121 ngut, kiba la jem ki long 45 ngut haduh mynta. Kine ki 26 ngut ki shipai BSF kiba la test COVID-19 positive mynta ka sngi ki dei kiba la don hapoh ka quarantine.
Ki bor jong ka District Administration jong ka East Khasi hills District kala pynbna ba ka Frontier Headquarter jong ki BSF kaba don ha Umlping na ithuh ia ka kum ka Containment Area, ha kaba la khang ia ki briew ban rung bad ban mih kito kiba shah ha katei ka jaka.
