Shillong, Jylliew 10: U Myntri ba dei peit ia ka tnad ka koit ka khiah u Bah A L Hek u la iathuh ba ka long kmie kaba ar met kaba la wan phai na Delhi kaba don hapoh jong ka North Eastern Indira Gandhi Regional Institute of Health & Medical Sciences (NEIGRIHMS) la test COVID-19 Positive mynta ka sngi.
U Myntri ka koit ka khiah u la iathuh ba kane ka long kmie kala wan phai na Delhi bad u kurim jong ka, kine baroh ar ngut kila leh ia ka Quarantine. Ia kane ka long kmie na ka liang ka Hospital kala buh kyrpang la ka jong.
U bah Hek u la iathuh ba haduh mynta ka sngi kiba la test baroh ki long 11812 ngut, kiba la test Negative ki long 11455 ngut, kiba long Positive 44 ngut, kiba dang shitom mynta ki long 30 ngut, kiba la jem ki long 13 ngut bad ba khlad iwei.
Na ka liang jong ka tnad ka koit ka khiah ka dang wat mynta ia baroh kito ki briew kiba don ka jingiadei kaba jan bad kane ka briew kaba la test COVID-19 postive mynta ka sngi bad ia mynta ym pat lah ban ong katno ngut namar ba ka jingwat ia kito kiba don jingiadei ka dang iaid.
