Shillong, Jylliew 28: U myntri ba dei peit ia ka pule puthi jong ka sorkar jylla u Bah Lahkmen Rymbui u la ong ba ong ba lada don mano mano ba tip ba ki nonghikai kiba la thung da ka sorkar ki ainong sha kiwei ban phah hikai skul pyntip sha ka sorkar khang ba ka sorkar kan leh ia kaba don kam.
Ha ka jingiakren bad ki lad pathai khubor u myntri u la ong ba ka liang jong u ruh u la ioh sngew ia kane ka jingong ba ki don ki nonghikai kiba ai nong kylla sha kiwei na ka bynta ban hikai haka jaka jong ki da kaba ai dor ia ki ban hikai.
Na ka liang jong u myntri u la ong ba ka jingeh ia ka sorkar ka long ba kam ioh ia ka jingujor kala shu don tang ka jingiakren, lada kam don kano kano ka jingujor kaba wan da ka jingthoh ka buh ia ka sorkar ha ka jingeh ban pynshitom ia kum kita ki nonghikai.
Na ka liang jong u myntri u da kyrpad ba lada don ba tip ba ki don ki nonghikai kiba leh ha kane ka rukom ka long kaba bha lada pyntip sha ka sorkar khang ba ka sorkar kan lah ban pynshitom ia kum kita ki nonghikai.
