Shillong, Lber 26: U Chief Executive Member jong ka KHADC u Bah Teinwell Dkhar haba jubab ia ka mat jingiakren kaba la wanrah da u Bah Charles Marngar MDC jong ka Mawhati ha kaba ia dei bad ka jingeh ki briew ha Block-II.
Na ka liang jong u CEM, u la pynpaw ia ka jingsngewsih ha kaba ia dei bad kum kine ki jingjia ba sngewsih ha kaba ki don kiba mynsaw bad ba duh ei ka mynsiem briew, kum kine ki jingjia ki jia ym tang ha khappud bad ka Assam hynhrei wat ha International Border.
Haba ia dei bad ka jingiakajia pud ha Block-II la ong ba kane kala jia naduh ba ym don ka District Council naduh ki snem 1951 namar u Lat ha kato ka por u la leh ia la ka jong ka kamram ban rah ia ki jaka ha kaba u don ka bor katkum ka Sixth Schedule ban pynheh ne pynrit ia ki jaka.
Haba ia dei bad kane ka bynta u la ong ba kane ka dei ka kam jong ka sorkar jylla, hynrei kum ka Council kan iai bud dien ia kane bad ha ka por jingling CEM jong u Bah HS Shylla kala don ka Resolution ha kaba ia dei bad kane ha kaba la phah ruh sha ka sorkar . Kane ka resolution kan long ban kyrpad ia ka sorkar ba iaki jaka ba don ki khasi yn wanrah noh Meghalaya bad ki jaka ba bun ki Mikir kin leit sha Mikir.
Haba ia dei bad kane ka jingeh, na ka liang jong u CEM u la ong ba don katto katne kiba leh shalak kiba bam ar maloi na kito kiba don ha khappud, ki leit sha Karbi bad ki wan ruh sha Meghalaya. Na ka liang jong ka KHADC kan lum ia ki kot ki sla na ki briew katei ka thain ban pynskhem ia ka jingling trai.
Halor ka jingkynnoh bam ar maloi, na ka liang jong u MDC ka Mawhati u la ujor ba kam don kum katta bad u la pan ia ka jingkular ka KHADC kan leh aiu ban iarap ia ka long iing kaba duh noh ia u wei na kina ha iing ha kane jingjia wat la ki pulit Assam kila tyrwa pisa kila kynait.
Haba ia dei bad kane ka jingujor, na ka liang jong u CEM jong ka KHADC, u la ong “ Ba lada ka pynmong iano iano, u ong to ngam wengnoh ia kane ka jingkren bam ar maloi, hynrei u la ong ba u la kren ia kane ha lor ka jingialang ba la khot da ka Deputy Commissioner jong ka Ri Bhoi ha u snem 2018”.
U Bah Charles Marngar haba wanrah ia kane ka jingiakren hapoh ka iing dorbar u la ong ba ka jingshah ban bein ki briew na ka daw jong ka jingleh don born a Karbi ha kaba kila wan buh ia ki khyrdop ban khrong na ki nongrep khamtam kaba ha Umsohphi kaba mih tang por synshar.
