Shillong, Jylliew 08: Ka khasi students’union ka pynpaw ia ka jing lyngngoh bad smgew kyndit halor ka jing thep biang ia arngut ki nongialam jong ka seng hapoh ka along jong ki pulit bad halor ka jing bteng ban pynngat case shuh shuh ia ki nongialam jong ka seng.
Kane ka jing leh hi ka pynpaw iaka jing kwah khniot jubor bad pyndonkam bakla wat iaka bor ba ki don bad kane dei ruh ka kput kaba long im im peit peit ia ki nongialam jong ka seng,bad ka jingleh ka long thik kumba ki niew ba ki dei ki lehnoh hapoh Jamu & Kashmir.ka KSU ka pynrem jur ia kane ka jing lehki heh pulit hapoh ka Ri Bhoi District,kane hi ka nang pynbitar bad ai ding shuh.
wat hapdeng kum kine ki jing shah tynjuh ki dkhot jong ka seng ,ka seng kan nym kynrandien da leilei ban pyrshah iaka lynti rel ba kan wan poi hapoh u pud u sam jong ka bri u hynniewtrep,khlem da don ki lad jing iada kiba biang tam naka jingwan tyllep ki briew ki bym dei ki trai ri ki trai muluk.
U Myntri rangbah u kam ba lah don kita ki ain kiba khlain hynrei haduh mynta ngim pat iohi satia kita ki ain ba kin trei kam pura,kumno ngin ong ba ki long kiba khlain?,hynrei ai ba kita ki ain kiba ka sorkar ka pynkhreh kin sdang noh ban trei kam bad kin ioh ban bishar la ki khlain shisha,bad dei hangta ba kin ioh ban kubur iaka jingkhlain ne tlot kita ki ain.
Ka mat jong ka jingpyrshah lynti rel kam dei kaba dang shuh kha mynta ,hynrei kane hi kadei ka mat kaba ka seng ka ju ieng pyrshah lah bun bun snem naduh ki nongialam kiba mynshwa bad ban ong ba ki pyrshah tang ma ki ka long kaba bakla,namar kim shym pyrshah na ka bynta ka burom ne ka jing myntoi jong ka seng hunrei ki ieng skhem naka bynta ka ki hok long trai jong ka jaitbynriew. “Lah ba duh iaka lynti rel ban iakaba ngin duh noh iaka jaitbynriew” ong ka kywoh na ka seng KSU.
