Shillong, Jylliew 29: Ka liang pyrshah hapoh jong ka KHADC ka lah ban wanrah ia ka motion bymdon jingshaniah shuh ia kane ka Executive committee kaba mynta kaba la ialam da ka seng HSPDP hapoh jong ka KHADC long ki tyllong khubor ba ia jan bad ka seng Congress.
U nongialam ka liang pyrshah u Bah PN Syiem haba kren ha u SP News Agency u la ong ba haduh mynta kim pat ia kren hynrei ka por ka dang don namar ka jingiashong dorbar kan dang long ha ka sngi nyngkong bad sngi ba ar, u long kin sa ia peit la shai.
Ka kong Telinai Thangkhiew ka Chairman hapoh jong ka KHADC haba kren ha u SP News Agency ka la ong ba haduh mynta kam pat ioh kano kano ka jingthoh ha kaba ia dei bad kata ka NC.
Kala ong ba katkum ka rule ba pyniaid ia ka iing dorbar lada kwah ban wanrah ia ka NC ki hap ban aid a ka jingthoh ar sngi shuwa ba kan kut ka jingiashong dorbar. Ka la ong ba ka iing dorbar ka dang don sa ar sngi bad lada ka don kum kata kan long sa tang ka sngi nyngkong kin ai da ka jingthoh.(SP News)
