Shillong, Nailur 08: Da ka jinglap kloinoh jong ka tand pulit ba kyrpang jong ka East Khasi Hills District mynta ka sngi, la lah ban pynlait na ka jingshah lute jong ka petrol pump kaba don ha surok bah.
Haba ki pulit kila isuba ia ka iaid ka ieng jong u Nobin D Sangma u ba dei na Tikrikilla Nidanpur, ki pulit kila rah ia u ban kylli jingkylli bad ha kane ka jingkylli jingkylli jong ki pulit, u la phla ba ki don ka jingthmu ban liet lute ka ka Petrol pump ia kaba ym shym la pynpaw kyrteng.
Ha dien jong kane la tohkit shuh shuh bad la phla ba ki don sa ar ngut kiba don bad u da ka jingialam jong u Nobin la ioh ban kem ia u Salgra D. Sangma 18 snem ba dei na Dalu, Magupara, West Garo Hills bad ia u Sengsang R. Marak 28 snem na Resubelpara.
Ha ka jingtohkit kila phla ba kila buh rieh ruh ia ki kuli jong ka pisatol .22 khyndai tylli ha trai siej ha jan u maw ha Nan Polok na kine la ioh ruh ban kurup ar tylli ki pistol kiba la shu shna hi. Ki pulit kila register mukotduma pyrshah ia kine baroh lain gut.
