Shillong, Nailur 13: Mynta ka sngi katba ki khynnah na ka shnong Nongkseh Rim, katba ki dang ia sait jain ha ka wah Umsohlang kila iohi ia kawei ka synduk thep jain kaba don hapoh um.
Haba u SP N
ews Agency u la ioh ban iakren bad ki briew na kane ka jaka kila iathuh ba kine ki khynnah sait jain mar ia iohi ia kane ka synduk kila wanban iathuh ha ki rangbah hapoh shnong bad na ka liang jong ki rangbah kila leit ban peit ban pynshisha ia kane ka jingiathuh jong ki khynnah.
Haba ki rangbah kila iohi ba ka dei shisha ka synduk, kila pyntip sha ki bor pulit bad na ka liang jong ki pulit ruh khlem da pynslem kila leit bran bran sha kane ka jaka. Ynda kila poi ha Umsohlang kila sei ia kane ka synduk sha bar jong ka um.
Na ka liang jong ki pulit kila plied ia kane ka synduk bad kaba la pynkyndit ka long ba ha kane ka synduk la lap pynban da ki tiar pynbthei kum ki dynamait, ki kuli suloi bad ki pistol. Na ka liang jong ki pulit kila rah noh ia kane kitiar na kane ka jaka bad mynta ki don ha kti jong ki pulit.
