Shillong, Nailur 08: Ka kynhun jong ka Mawlai Block Congress Committee (MBCC) hapoh ka jingialamjong u Bah Process T Sawkmie Deputy CEM jong ka KHADC kila leit ban ia kynduh ia u myntri ki kam pynroi sor u Bah Ronni V Lyngdoh ban ia kren halor ki jingeh kaba ki paidbah jong ka Mawlai ki ia kynduh.
Ha kane ka jingiakynduh la dawa na u myntri ban dei ban pynduh ia ka Mawlai na thung kaba la ithuh ia ka kum ka jaka sor. Nalor jong kane la ia kren ruh b aka sorkar ka dei ban weng noh ia ka jaka bret niut kaba don ha mawlai bad ban rah noh ia ka shawei.
Haba kren ha ki nongthoh khubor na ka liang jong u Bah Process u la ong ba u myntri u la shah skhor ia kane kitei ki ar tylli ki mat jingdawa jong ka MBCC bad u la kular ban un sa shim khia ha kaba ia dei bad kitei ki ar tylli ki mat.
La ia kren ruh halor ka jingwan tam pud jong ka MUDA sha ki bynta jong ka Mawlai ha kaba ka MeECL kala bthah ia ki briew kiba la shna iing ban ioh ia ka NOC khnang ba kin ioh ban ring light bad ia ka jingbit ha kaba ia dei bad ka iing ka sem. La kyntu ia u myntri ba pdiang ia kane ka jingleh jong ki paidbah kaba la long naduh mynshuwa ban shah ia ki rangbah shnong ba kin ai ia ka jingbit ban shna iing thymmai.
La ong ruh b aka MUDA ka dei ban peit ha ki jaka jong ka Municipal bad ka District Council, KHADC kan peit ia kiba hap hapoh ka jingpeit ka jong ki, la dawa ruh ba pynduh noh ia ki jingpynbna sorkar ia ki shiphew tylli ki shnong kum ki jaka ba la long sor.
Kita ki long ka Mawlai, Nongkseh, Mawpat, Pynthorumkrah, Nongmensong, Nongthymmai, Umlyngka, Umpling, Lawsohtun bad Madanryting. Na ka liang jong ka MBCC ka khmih lynti ba na ka liang jong u myntri un leh ia kaba don kam.
