Shillong, Lber 09: U myntri rangbah ka jylla u Conrad K Sangma mynta ka sngi, ryngkat u myntri kam pynroi sor u Bah Hamlet Dohling bad u myntri ka tnad kam kit kam bah u Bah Sniawbhalang Dhar kila leit ban peit ia ka jaka kaba don ha Umling ban shna ia ka jaka rung jaka mih ki briew ba na bar ha Ri Bhoi District.
Kane ka jaka ba ka sorkar ka mut ban shna ia kane ka khyrdop ban peit ia ki briew kiba rung ba mih na kane ka jylla kala jngai kumba 20 km na khappud bad ka jylla Assam da shim naduh Jorabad.
U myntri rangbah ka jylla dang shen u la ong ba kila ioh ia ka jaka ha Ri Bhoi District ban shna ia ka khyrdop ban peit ia ki briew kiba wanrung sha kane ka jylla Meghalaya, ka jaka rung jaka mih ia kaba la tip ha ka ktien nongwei “Entry and Exit Point”.
Ha kane ka jingleit jongu myntri rangbah ka jylla mynta ka sngi sha katei ka jaka ban peit la ka biang ne em ka jaka, la don lang ruh ka Deputy Commissioner jong ka Ri Bhoi District ka kong RM Kurbah bad kiwei kiwei ki ophisar na ka sorkar jylla.
Ha kane ka jingleit jongu myntri rangbah na ka liang jong ki ophisar kila pyni ha u mytnri rangbah ka jylla ia ka map kaba ki la dep ban dro ba kumno kane ka jaka rung jaka mih kan long ha katei ka jaka.
