Shillong Iaiong 04: U Myntri ba dei peit ia ka tnad shangsuwari u bah Paul Lyngdoh ryngkat ka jingdonlang u SP Shillong City u Bah Vivek Syiem mynta ka sngi ki la leit jurip ia ka thain Khyndailad ban pynthikna ba kane ka jaka kan long thik tang ka jaka iaidkjat ki briew bad ban ym shah shuh ia ki kali ba kin iaid naduh na Khyndailad ban mih shaduh Lad Umsohsun.
U bah Paul ula ong, kane ka jingleit jurip ka jongu ia kane ka jaka kadei hadien ba ula dep ban lum iaka jingialang mynta la shitaiew tam bad u kwah ban pynthikna ba ki bynta jong ka sor kin long noh thik tang na ka bynta ki nongiaid namar ka sor baroh kawei kala dap sa tang da ki kali bad kam don shuh ia ki jaka na ka bynta ki paidbah ba kin iaid”.
Ula ong, ba ki jingeh kiba bun kin mih hynrei yn ym peit tang ia ki jingeh hynrei yn peit ruh kumno ban jop ia kine ki jingeh. ia mynta hi kin pyniaid shwa shakhmat ia katei ka jingthmu bad yn sa pynwandur kham hadien ia kaei kaba dei ban leh hadien habud na ka bynta kiba shong basah ha katei ka jaka.
