Shillong, Jylliew 19: Mynta ka sngi ka seng UDP, HSPDP, KHNAM kila ai da ka jingthoh sha u nongialam jong ka People Democratic Frorum (PDF) u Bah PN Syiem u ba dei u Chief Executive Member jong ka Khasi Hills Autonomous District Council, ba kila weng noh ia ka jingkyrshan ia ka jong ki.
Ka kong Telina Thangkhiew nongialam jong ka party HSPDP hapoh jong ka KHADC, kala iathuh ba mynta ka sngi kila weng ia jingkyrshan jong ki na ka PDF bad kumba ka long mynta ka PDF kala don ha ka jingduna paid hapoh jong ka KHADC bad kane EC kaba mynta kan nym lah ban pass ia ka mang tyngka jong ka Council na ka bynta jong u snem 2017-2018.
U Bah Teinwell Dkhar, Nongialam jong ka UDP hapoh jong ka KHADC, u la ong ba kila ai da ka jingthoh sha u CEM jong ka KHADC bad sha u Chairman u Bah L G Nongsiej kum ka jingpyntip ba kila weng ia ka jingkyrshan na ka PDF da ki lai tylli ki seng ka UDP, HSPDP bad ka KHNAM.
Ka jingdon jong ki MDC hapoh jong ka KHADC mynta baroh ki long 29 ngut, ka Congress ka don hynriew ngut, ka UDP ka don saw ngut, ka HSPDP ka don lain gut, KHNAM u wei bad haba khein ia ka jingdon briew kila kot sha ka khatsaw ngut ha ka iing dorbar kaba 29 ngut.
Kat haduh mynta ka sngi ka jongdon jong ki MDC ha ka liang synshar ka PDF ki don 15 ngut kynthup ia u Chairman nong ka iing dorbar hapoh jong ka KHADC.
