Shillong, Nailur 21: Ban pynlait na ka jingkhap ngiah kali ha kane ka nongbah Shillong ha kine ki sngi Durga Puja na ka liang jong ki pulit kila pynbeit ia ka rukom rung bad ki mih ki trok hapoh kane ka nongbah Shillong ka ban sdang ha ka 27 tarik mynta u bnai bad kan kut ha ka 1 tarik u bnai Risaw.
Na ka liang jongu Deputy Inspector General jong ki pulit ba dei peit ia ka dong moh ngi ka jylla u la pyntip paidbah ba ki trok kiba wan na Jaintia Hills ia ki yn nym shah ban rung hapoh sor Shillong naduh ka por 10 baje mynstep haduh ka por 12 baje mynmiet naduhka 27 tarik mynta u bnai haduh ka 1 tarik u bnai Risaw ban wan. Lada ki don ki trok kiba mut ban rung sha Shillong ym bat shuwa ia ki ha Mawryngkneng. Kiba leit sha Bhoi kin hap iaid beit na ka Shillong Bye Pass.
Ha katei ka por kaba la khang yn nym shah ia ki trok ban kiew na Umiam sha Shillong, ia ki kali ba wan na West Khasi Hills yn bat ha Mairang, ia ki kali ba wan na Mawsynram, Sohra bad Pynursla yn bat ha Hynniewmer. Ki trok kiba mut banleit sha Jaintia Hills ki hap ban iaid lyngba ka surok Bye Pass.
