Shillong, Lber 22: Ka Dr. Mazel Ampareen Lyngdoh kala ong “Nga shaniah ha ki paidbah” ba kin jied na pdeng ki kyrtong ki ban ia khun ha kane ka MP elekshon sha Lok Sabha bad kala ong ba kala dep ban leit sha baroh ki 36 tylli ki konstitwensi.
Haba jubab ia ki jingkylli kala ong ba lada ki paidbah kila pynjop kum ka MP kan ai ia ka jingshkri kaba bha tam na ka bynta ki paidbah bad ka sngew kmen ba baroh kwei ka party ka don bad kum ka iing ka sem bad kiba ha iing ha sem ki don lang.
Kala ong ba kum ka nongmih khmat sha Parliament, ka long kaba don kam ba kan ia shim bynta hapoh iing dorkar ban ia kren ia kaei kaba la wan rah hapoh ka iing dobar bad ka kan long ka jingkieng ha pdeng ki paidbah bad ka sorkar sha Delhi bad ki ophis jong ka sorkar ha Delhi.
Kala ong ba kan kren ia ki mat kiba dang sah kaba ka jylla kala dep shim bad kiba dang sah mynta, kala ong ba kan nym shem jigneh ia ka ba kan lah namar kala ioh jinghikai kum ka MLA kaba la don ha ka sorkar bad ka liang pyrshah.
Kumba ka long mynta ka don ka jingkyrmen ba ki paidbah kila tip ia ka sain pyrthei khamtam ha ka MP bad ka don ka jingkyrmen ba kan jop ia kane ka elekshon da ka jingkyrshan lang jong baroh kum ka sorkar bad ka MDA.
Ka Dr. Ampareen kala ong ba kan don kano kano ka jingeh hapoh ka party bad ki don ka jingiatylli hapoh ka party na ka bynta kane ka MP elekshon bad kan nangiarap bad kan nym kren ia kiwei hynrei kan kren ia kaei kaba ka party kan leh.
Ia ka kyrteng jong ka Dr. Mazel Ampareen Lyngdoh la tyra da u bah Sniawbhalang Dhar ba kan long ka kyrteng jong ka party NPP, ha kane ka sngi la synrang lang da u bah Prestone Tynsong bad kiwei ki nongialam ka party ha kane ka sngi leit thep kyrteng.
