Shillong, Jymmang 26: U superintendent jong ki pulit ba dei peit ia ka North Garo Hills District, u la iathuh ba ka iing bishar kala pynngat da ka Judicial Custody ia Diganta Koch u ba la shah kynnoh ba u la die tuh sha iew ia u shini ba dei ban ai sha ki paidbah.
Na ka liang jong ka seng samla pule jong ka Garo Students Union (GSU) kala kem ia u Diganta na iew Gokol ha ka 24 tarik bad ha ka 25 tarik mynta u bnai hi kila leit ban ujor da ka FIR pyrshah ia u hapoh Bajengdoba Police station ha kaba ia dei bad kane ka kam.
Na ka liang jong u heh pulit jong ka Noth Garo Hills haba kren ha u SP News Agency u la iathuh ba ha dien ba ki pulit kila ioh ia kane ka jingujor kila kem bad mynta ka sngi la rah sha iing bishar ha kaba ka iing bishar kala rai ban pynngat ha ka Judicial Custody kaba 14 sngi.
Na ka liang jong ka GSU kala ai ia ka jingujor hapoh jong ka Bajengdoba police station bad ha ka FIR ka JSU kala dawa ba dei ban pynduh noh ia u nongbat ia ka laisen, la iathuh ba na ka liang jong ka tnad sambam jong ka District mynta kan sa pynlong ia ka jingthohkit halor jong kane ka jingjia.
