Shillong, Nailar 09: Ka working president jong ka MPCC ka Debora Marak kala iathuh ba kila ia kynduh mynta ka sngi u u Vice President ka AICC u Rahul Gandhi bad kila ia kren tang ia ka kam kumno ban pynkhlain ia ka party.
Haba kren ha u SP News Agency lyngba ka phone na Delhi, la iathuh ba kim shym la lah ban ia kynduh ia ka president jong ka AICC namar ba ka don hapdeng ka jingshitom, hynrei kila ia kynduh pat ia u Vice president ka AICC ha kaba kila ia don lang baroh saw ngut.
Ha kane kaj ingiakynduh ia u Rahul Gandhi la don lang u Dr Mukul Sangma Chief Minister u bah DD Lapang president ka MPCC bad Bah PN Syiem CEM jong ka KHADC bad ka jingiakren ka long tang kawei ka surok ba kin ia treilang ban pynkhalain ia ka party.
Haba jubab ia ki jingkylli, na ka liang jong ka Debora kala ong ba ha kane ka jingiakynduh kim shym la ia kren ei ei ruh em ha kaba ia dei bad ka jingbujli myntri ha ka sorkar lane ban don kata ka jingbujli nongialam ha ka party, kaei kaba kila ia kren ka long beit ban pynkhlain ia ka party.
