Shillong, Lber 26: U President jong ka party HSPDP u bah K P Pangniang ha kren sha ki lat pathai khubor ha dien ba la dep ban thep kyrteng u kyrtong ka party UDP u bah Robert June Kharjahrin la ong ba mynta ki dang pynneh pynsah ia ka Regional Democratic Alliance (RDA) kaba la seng da u bah Ardent Miller Basaiawmoit bad u Dr. Donkupar Roy bam kwai ha dwar u blei.
Kaei kaba kine ki ar tylli ki party ki leh ka long ba ki pynneh pynsah bad pynbha ia ka RDA kaba la seng namar dei ha kane ka dur ba ki paidbah ki kwah ban iohi ba ki seng riewlum kin ia treilang ban ioh ia ka jingshaniah jong u paidbah.
U bah Pangniang u la ong ba ki don ka jingshaniah ia ki paidbah kumba kila ai ka jingkyrshan sha ki party riewlum ha kane ka MLA elekshon 2023 bad mynta ki don ka jingshniah ia ki paidbah ba kin ai ka jingjop ha kane ka elekshon.
Ka jingkylli la dei ban kylli ka ei ka jingmut ba ki seng ia ka RDA ha u snem 2017 ban ong ba don kam ia ka jingiatreilang ki party riewlum, bad ym long ban khien dewthala ia ki nongialam jong kine ki ar tylli ki party. Ka party HSPDP kala iaid 52 tylli ki snem ka UDP 26 tylli ki snem.
Na ka liang jong u President ka UDP u bah Metbah Lyngdoh la ong hakei kata ka jingbakla jong ki, bad u la ong ba lada kim don kata ka jingsngew skhem kin nym thep nomination bad kane kaba ki wan mynta ki long ka jingiatreilang lang ki ar tylli ki party kaba ki pynieng tang u wei u kyrtong, ka ei kaba ki paidbah ki ai ha u snem 2023 kane ka pynlong ia ki ba kin wan ha kwei ka kynhun.
