Shillong, Nohprah 02: Mynta ka sngi ki pulit jong ka South Garo Hills District bad ki pulit jong ka 120BN jong ki CRPF kila pynlong ia ka jingsam tiar bad ialeh kai lang bad ki paidbah katei ka thain ha kaba palat shihjar ngut ki briew kila wan ban ia shim bynta ha Mitagpre.
Ha kane ka sngi kala don ka jingsumar ei ia ki paidbah bad ka jingsam dawai ei ruh kum juh, ha kane ka sngi kala don ka jingialehkai kynjat ball na ka bynta jong ki shynrang bad kynthei bad ha dien ka jingialehkai la sam ia ki tiar ialeh sha ki shnong bapher bapher kiba la wan ban ia shim bynta. Kala don ruh ka jingiabam sngewbha lang da baroh kiba la poi sha kane ka jingialeh kmen lang.
Ia kane ka jingleh kmen lang ne ka jingiarap ia ki briew ha kane ka thain kaba la shah ktah ha ki lehnoh ka long ban wanrah ia ka jingiajan hapdeng ki paidbah bad ki briew jong ka ain kham tam ki bor pulit bad la pynshai ha kane ka sngi ba ka jingdon jong ki ha kane ka thain ka long ban ai ka jingiada ia ki paidbah.
Ban pyniajan shuh shuh ha pdeng ki paidbah bad ki pulit ha katei ka thain kum kane ka jingiakynduh lang kan dang iai beteng na ka por sha ka por ban wanrah ia ka jingiadon ha pdeng ki bor pulit bad ki riew paidbah ban wanrah ia ka jingshong suk.
