Shillong, Jymmang 21: La jan dap shibnai mynta naduh ba ka Iswanchi K Sangma bad u khun jong ka ba dang ar snem san bnai kila jah na iing sah jong ka kaba dei na ka shnong Jogogre kaba hap hapoh jong ka Bajengdoba Police station jong ka North Garo Hills District.
Ka Iswanchi K Sangma ka dei ka kurim jong u Pejush Marak kiba shong ba sah hapoh jong ka shnong Jogogre kaba hap hapoh jong ka Bajengdoba Police station, kane ka long kmie bad u khun jong kila jah naduh ka 01.4.2017 na iing sah jong ka ha kaba ym pat lah ban tip sha ei ak don haduh mynta.
Na ka liang jong kiba ha iing ha sem kila wad ia ka kylleng hynrei kim pat lap haduh mynta, u kni jong ka u Rohen K Sangma u la ai ka jingujor sha ki pulit jong ka Bajengdoba naduh ka 04.04.2017 hynrei haduh mynta wat na ka liang jong ki pulit ruh kim shym la lap ksai shaei ka don kano ka long kmie.
