Shillong, Iaiong 22: U Bah Titosstarwell Chyne Chief Executive Member jong ka KHADC mynta ka sngi u la pynpaw ia ka jingsngewsih kaba khraw halor ka jingkhlad noh jong u Bah Ganol Stone Massar CEM ba rim jong ka KHADC.
Ha kane ka jingphah sngewlem la pynpaw ba u bah Ganol u la long u MDC jong ka KHADC naduh u snem 1979 na Nongskhen MDC Konstitwensi u la ong u MDC jong kane ka konstitwensi lai snem naduh u tei u snem haduh u snem 1994.
Ha ka 27 tarik Lber jong u snem 1989 u la shah jied kum u CEM jong ka KHADC bad u la ong kum u CEM haduh ka 20 Lber 1992. Namar ba ha ka juh ka por u dei u MLA u bah Massar u la long ruh u myntri ha ka sorkar jylla. Ka jingkhlad jong u ka long ka jingduh kaba khraw ia ka jylla, kum u nongmih khmat paidbah bad kum juh kum u muktiar.
Na ka liang jong ka KHADC ka phah ia kane ka khubor sngewlem sha ki khun ki kiti bad kiba ha iing ha sem bad ai ka mynsiem jong u Bah G S Massan kan ioh ia ka jingjah thiat bym juh kut.
