Shillong, Iaiong 02: u Bah Banteidor Lyngdoh MDC jong ka Mawkynrew Constituency ha kine ki sngi kiba la dep u la plie paidbah ia ka sruok shnong kaba la shna na ka skhim MDC hapoh jong ka shnong Nongjrong ha ka jinglut kaba lai lak tyngka ha ryngkat ka jingiatrei lang jong ka dorbar5 shnong.
Kane ka jing plie paidbah ia ka surok Shnong kaba la bei tyngka da utei u MDC jong ka Mawkynrew Constituency kala long ka jing kyrkhu kaba shi katdei eh ia ka shnong hi baroh kawei bad ka long ruh kum shibynta ba ki paid riewngeit jong ka Balang U Blei ki la pynkhreh ban pdiang ia ka jingiaseng Bah Assembly ia kaba yn sdang naduh ka 7th – 9th April 2017 ban pynsuk ia ki nongleit nongwan sha katei ka jingiaseng ha kaba la iohlad ruh ban shna pynbha kynthup ruh ia ki jaka ieng kali ban pyn kylluid ia ka leit ka wan jong ki paidbah.
Haba kren kum u Kongsan ha katei ka sngi na ka liang jong u Bah Banteidor Lyngdoh, u la ong ba kum u Nongmihkhmat ha ka bor kaba rit kum u MDC, u la pyrshang ban ai ia ka jingshakri kaba janai tam ha kaba u la ong kumba ki paidbah ki la pynkup kum u Nongmihkmat un pyndep iala ka jong ka kamram ha kaba u la bynrap ruh ba um kwah ban put turoi ialade hynrei to ai ba ki kam kin kren khamjam ban ia ka ktien.
Ha kane ka sngi la wan ban sakhi da ki paidbah Nong Shong Shnong kiba kynthup naduh ki Longkmie longkpa, ki Riew Rangbah bad kumjuh ruh ki khun samla jong ka shnong ha kaba la ia don ryngkat ruh ki Nongialam Balang jong ka Balang u Blei, Nongialam Balang Presbyterian, ki Riew Rangbah kiba kynthup ia u Bah Pynshailang Synjri, Sordar Shnong Nongjrong, Bah S, Mukhim, Secretary Shnong Nongjrong, u Bah Kolin Ryndong, Sordar barim jong ka Shnong Nongjrong, Bah Shonroy Rynjah, Secretary Shnong Laitkyrhong bad kiwei kiwei de ki Riew Pawkhmat jong ka Thain ha kaba kila ai ka jingiaroh shi katdei eh ia ka Mynsiem shakri jong u Bah Banteidor Lyngdoh.
