Shillong, Nohprah 17: U Lat jong ka jylla u Tathagata Roy mynta ka sngi u la plie ia ka jingpyninam ia ki dur ba kyrpang jong u kpa ka jaidbynriew u Mahatma Gandhi ka ban neh san sngi lynter ha J N Indoor Statium ha polo.
Ha ka jingkren jong u Lat ka jylla haba plie ia kane ka jingpyninam ia ki dur ba kyrpang u la ong ba ka long kaba don khnang ba ki long din kin iohi ba peit ban tip ia kaei kaba la jia ha kito ki por.
Ha kane ka sngi la pynlong ruh ia ka jingpynkup burom ia ki shipai kiba na kane ka jylla Meghalaya kiba la ia don bynta ha ka thma Bangla ha u snem 1971, baroh ki shipai kiba la shah pynkup burom ha u lat jong ka jylla mynta ka sngi ki long 12 ngut.
Kiwei kiba la kren ha kane ka jingialang plie ia kane ka jingpyninam ia ki dur jong u kpa ka jaid bynriew ki long u Kuldeep Singh Dhatwalia Director general bad dei peit ia ka NE Zone. Ha ka jingkren ka jong u la ong ba ka sorkar pdeng ka don ka jingpeit kaba kyrpang ia kane ka thain.
Ha kane ka sngi la sakhi lang ia kane ka jingpyndon burom ia ki shipai kiba la ia shim bynta ha ka thma Bangla kiba ha iing ha sem jong ki shipai, ki shipai kiba don ha kane ka nongbah Shillong bad kum juh ki dkhot na ka NCC.
