Shillong, Iaiong 05: Ka sorkar jylla Meghalaya lyngba ka Meghalaya State Lottery ha ka 5 tarik April ka la plie paidbah ia ka RichLottery.in ha ophis ka Directorate Meghalaya State Lottery kaba don ha Lachumiere da u myntri ba dei peit ia ka tnad lum khajna u A.T Mondal
La wan ban plie paitbah bad la khap ia u ribon ban plied ia ki ticket da u A. T Madal, Minister of Taxation ha ka jingdonlang u SC Sadhu IAS, Secretary to the Government of Meghalaya Excise, Registration, Taxation & Stamp Department ha ka jingdonla ki influencer bad kiwei kiwei.
Haba kren ha kane ka jingialang u AT Mondal u la ong ba kane ka jinglah ban plie ia ka RichLottery in kan iarap ban pynmyntoi ia ka jylla Meghalaya bad u la pynpaw ia ka jingsngewdonbok shibun ba u ioh ia ka lad ban long u nongplie ia kane.
Ha ka juh ka por u la kyntu ruh ia kiba dei peit ia ka Rich Lottery.in ba kin shimkhia ban pyntyllun ia ka kam bad ba ka nym don kano kano ka jingleh thumur. Da kaba u la ong lada ka jingleh ia kane ka long kaba khuid ba suba bad kaba lah ban shaniah da ki briew.
U la ong ruh ba kumba la thoh ha ka kyndon kumta dei ban pyntreikam, bad ym dei ban don kano kano ka jingpynkylla kumba la thoh bad ba yn nym don kin jingujor na ki nongiashim bynta.
