Shillong, Nohprah 02: Ki pulit jong ka nongbah Shillong mynta ka sngi kila pyntip ba namar ba ka don ka jingrakhe ia ka Dorbar Pyllun jong ka seng ka Synjuk Ki Kynthei Catholic, Shillong Archdiocese ka banlong ha ka saw tarik ha Parih Mawkhar la pynbeit ia ka rukom ieng ki kali ban lait na ka jingshah kut.
Ki kali heh kiba wan na Ri Bhoi District ki dei ban ieng ha shilynter jong ka Wahumkhrah jong ka Mawlai Nongpdeng bad Jaiaw, ki kali rit kihap ban ieng ha ki jaka ieng kali kiba don ha stand Bhoi parking Lot bad ki bynta jong ka Madan student’s.
Ki kali kiba wan na ki thain Nongthymmai bad u pper Shillong kin hap ban ieng ha ki jaka ieng kali ha jan Angele bad Boucher Road bad ha ki jaka ieng kali ha Motphran. Ha kane ka sngi la khang ia ki kali ba wan na Jaiaw pdeng ki hap ban iaid sha Riatsamthiah ban poi sha Motphran bad ki kali kiba hiar na Motphran ki hap ban noh lyngba ka iing syiem jong ka hima mylliem.
Baroh kito ki nongleit jingiaseng kiba buh ia ki kali jong ki sawdong jong ka iing mane haki thain Mawkhar yn nym shah ia ki ba kin mih katba ka jingiaseng kam pat wai ha duh ka por jan miet. La leh ia kane ban peit ba ki briew kiba leit sha kane ka jingseng kin nym sah kut ha ka jingblok kali.
