Jowai, Nohprah 28: Ka seng samla pule jong ka 
(JSU) lem bad ki riew ieit mariang mynta ka sngi ki la pynlong ia ka jingpynkhuid ia ka skud sawdong jong ka Syntuksiar ha kaba la don ka jingtei nam ia u khla ka wait jong ka Ri Jaintia u Kiang Nongbah.
Kane ka jingpynkhuid ka long ban pynkhreh ia ka jingleh burom ia u Kiang Nangbah ha ka 30 tarik mynta u bnai. Haba kren ha u SP News Agency U president jong ka JSU u la ong ba ka long kaei kaei kaba I saitmet ban iohi ia ka jingjaboh jong kane ka jaka ha kaba ki nongleitkai sngewbha sha kane ka jaka ki bret pathar ia ki bilar bad ki plastic.
Na ka liang jong ka JSU ka kyntu ia ki paidbah ba ki dei ban long kiba leh khuid ha kaba ia dei bad kane ka jaka ba kin nym bret pathar ia ki bilar bad ki pla plastic namar kane ka jaka kam dei tang ka jaka iaid kai hynrei ka dei ruh ka tyllong umbam umdih.
Ha kane ka sngi la don ruh ka jingialehkai sngewbha ban pynkhreh ia ka jingleh burom ia ka jingdap 150 snem jong ka sngi iap jong kiang nangbah. (SP News)
