Shillong, Jylliew 18: Ka dorbr shnong Mawkhar mynta ka sngi kala pynkup burom ia ki saw ngut ki nongshong shnong kiba la wanrah burom ia ka shnong baroh kawei da ka jingtrei shitom ka jong ki ban poi sha ka thong jong ka jingjop.
Kine ki saw ngut ki long ka Eldona Betsy Lyngdoh kaba la wan balai ha ka jingiakop Mrs Asia International, Ka samla Naphirisa K Tariang kala long ka nongthoh kot ba dang khynnah eh, U Aenam G Jyrwa u dei u khynnah ialehkai kynjatball ha ka rta kaba hapoh 14 snem bad u Freddy B Syiem u dei u ba la ioh ia ka Bronze medal ha ka jingiakop kura.
Ha ka jingkren jong ka kong Roshan Warjri kaba dei ka MLA jong kane ka jaka ha ka juh ka por ka myntri kam poh iing jong ka jylla ka la ong ban poi sha ka thong dei tang ka jingtrei shitom, kijingeh ki wan la ka long ha ki mei ieit pa ieit, ki kmie ki kpa bad ha ki smala ruh kum juh hynrei ba ia shah bad tur sha phrang yn jop ia ki jingeh.
Kine kiba la shah pynkup burom mynta ka sngi kim shym la poi sha ka thong kumta hynrei ki poi sha ka thong ha dien ka jingtrei shitom ka jong ki kaba ki la minot ha ka kam kaba ki thmu ban poi sha ka thong. Ha kane ka sngi la donu rangbah shnong u Bah WHD Syngkon, bad ki nongkit kam shnong baroh.
