Shillong, Jylliew 19: Mynta ka sngi ki shipai ka Ri India kila lah ban pynlait im ia ki 200 ngut ki briew kiba la sah kut na ka daw jong ka jingtwa khyndew ha Bomdila jong ka West Kameng District jong ka jylla Arunachal Pradesh. Ka jingshah kut jong kine ki briew kala long naduh ka sngi u blei.
Na ka liang jong ki bor jong ka District u R Tibba u la kyrpad ia ki shipai ba kin iarap lem namar ba 200 ngut ki briew kila sah kut na ka daw jong ka jingtwa khyndew ha Bhalukpong, ha kaba ki don 70 ngut ki kynthei bad 50 ngut ki khynnah bad ka jingtwa khyndew ka long ha pdeng ka Bhalukopng bad ban leit sha Sessa kba la jngai kumba 7 km.
Na ka liang jong ki shipai mynta ka sngi baroh shi sngi kila rah ia ki briew kiba sah kut ha kane ka jingtwa khyndew hapdeng jong ki lum bad ki kwah. Ha dien ba la pynlait iaki la ai ki dawai dashin bad kum juh ka bam ka dih ia kine ki briew.
