Shillong, Risaw 10: Ha kane ka sngi rakhe ia ka “World Mental Health Day” u myntri ba dei peit ia ka tand ka koit ka khiah u James K Sangma u la pynlait paidbah ia ka ‘State Mental Health and Social Care Policy’ ka jingthmu jong kane ka long ban ai ka jingsumar ia kiba pang ba shitom ha kaba ia dei bad ka khlieh.
Ia kane ka polisi la buh ha ka https://meghealth.gov.in/documents.html bad http://nhmmeghalaya.nic.in/programmes/NMHP/nmhp.html na ka bynta 15 sngi ba ki paidbah kin tip. Kane ka polisi kaba la shu pruidak la wan rah ha dien ka jinglum jingtip na kylleng ki bynta jong ka jylla bad ia kane la buh ha khmat ki paidbah ba kin tip bad lada don kiba kwah ban ai jingmut ki lah ban phah sha ka tnad ka koit ka khiah healthdeptt502@gmail.com. Shuwa ba ka sorkar kan pyntrei kam ia ka.
Ia kane la pynbna da u myntri ka tnad ka koit ka khiah bad u la ong ba kane ka long ka thong jong ka sorkar ban ai ka jingshakri sha ki paidbah ha ka liang ka koit ka khiah bad ka jylla Meghalaya ka dei ka jylla kaba nyngkong ka dong shatei lam mih ngi jong ka Ri India ban don ia kane ka polisi kaba iadei bad kiba don jingshitom ha ka khlieh.
Ha kine ki por kiba la leit noh baroh ki briew ki ia leh ban buhrieh ia kane ka jingpang bad la juh ieh ia ka sharud bad dei na kane ka jingpang COVID-19 positive ha kine ki lai snem kane ka jingpang kaba ktah ia ka bor jabieng kala sdang ban paw pyrthei bad kane ka pyni ha ki rukom kiba bun rukom bad kane ka long kaba don kam ban hap ban sumar.
Ha ka jingkren jongu Principal Secretary, ka tnad ka koit ka khiah u Sampath Kumar, la ong ba kane ka sngi ka dei ka sngi ka ban sah kynmaw ba ka sorkar kala shim ia kane ka lynti ban sumar ia kiba don ka jingktah ha ka bor pyrkhat bad kane ka iarap ruh ia ki long iing kiba duk ba kyrduh ban tip ia ka jingdon ka jong ki bad kane kan iada ia ka jingshitom ki briew na kane ka jingpang ha ka jylla.
Ka long kaba don kam ban weng ia kane ka jingshynrain na ki paidbah ban leh ia kane donkam ia ka jingiatreilang jong ki Village Health Councils (VHCs) bad ha baroh 460 tylli ki Sub- Centre ha kajylla baroh ka wei ba kin long kum ki jaka ban ioh ia ka jingtip kaba nyngkong.
Ha kane ka sngi kila don ruh ki heh na ka tnad ka koit ka khiah bad kiwei kwei ki kynhun bad na kiwei kiwei ki jaka ai jingsumar ha kane ka jylla Kun na ka National Institute of Mental Health and Neurosciences (NIMHANS), The Banyan and Banyan Academy of Leadership and Mental Health (BALM), Sitaram Bhartia Institute of Science & Research, Bethany Hospital, Nazareth Hospital, the Mind and Wellness Centre, North Eastern Indira Gandhi Regional Institute of Health and Medical Sciences (NEIGRIHMS) bad kiwei kiwei.
