Shillong, Lber 21: Ki shipai BSF mynta ka sngi kila pynlong ia ka jingai jingsumar ei ha ki ar tylli ki jaka ha Dangar ha East Khasi Hills bad Nolikata ha South West Khasi Hills District na ka bynta ki shnong kiba don ha khappud bad ka Bangladesh.
Ha kine ki ar tylli ki jaka ai jingsumar ei ia ki paidbah kiba la ioh jingiarap kila kot sha a 650 ngut kane ka jingai jingsumar ei kala iarap ia ki paidbah kiba don kam ia ka jingiarap ha ki shnong khappud bad ka Bangladesh, ia kane ka jingai dawai ei la pynlong ha Dangar PHC.
Ki shipai BSF ym tang ba ki pynlong ia ka jingsumar ei hynrei la sam ia ki kor Komputer, syntek buh um, ki shuki plastic, ki khiew bad kiwei kiwei ki jingiarap la sam sha ki shnong kiba marjan bad ia ki khynnah skul ruh kum juh.
Ha kane ka jingsumar ei kiba la don ki long ki doktoe jong ka sorkar jylla na ka Dangar PHC bad ki doktor jong ki shipai BSF kila ia don lang, na ka liang jong ki rangbah shnogn katei ka thain kila pynpaw ia ka jingsngewnguh ia ki shipai BSF kiba la leh ia kine kikam kiba ratbah.
Na ka liang jong ki shipai BSF kiba la don lang ha kane ka sngi ban ia sakhi lang ki long u Manoj Kumar Barnwal, DIG SHQ BSF Shillong bad u Rajiv Kumar, Comdant jong ka kynhun shipai BSF 193 Bn BSF. Ia kane ka sngi la pynphuh pynphing da ki khynnah skul jong ka Government Upper Primary School Dangar.
