Shillong, Lber 22: Ka Bosco Integrated Development Society hapoh ka jingtreikam ka “Child Friendly” da ka jingiatreilang bad ka tnad pulit ba dei peit ia ka jingpyniaid kali bad ka Civil Hospital Shillong kila pynlong ia ka jinghikai kaba shisngi kumno ban iada ia ka jingim briew.
Ka jingthmu jong kane ka jinghikai ka long ba kumno ban ai jingiada ha kaba nyngkong ha k jaka ba do ka jingtynkhuh kali ne don ka jingmynsaw, bad ha kane ka jingialang kaba shisngi la ia kren ruh ba kumno ban pynlong ia ki surok kiba shngian ia ki khynnah.
Ha kane ka jinghikai kiba la wan ban ia shim bynta ki don 17 ngut ba ki hynriew tylli ki police Station. Ha kane ka sngi la hikai ba kumno ban sumar ia kiba ia kynduh ia ka jingiatyngkhuh kali bad kumno ban leh sumar ia ki jaka ba kdiah ha ka por ba jia kum kine ki jingjia kaba sngewsih.
