Shillong, Rymphang 07: Ka Drug Reduction Elimination and Action Mission (DREAM) kum shibynta ban wanrah ia ka jingkylla ha ki briew ki ba la ngop ha ki jingdih pynbuaid mynta ka sngi thohdieng ka la ioh ban pynlong ia ka ‘Vocational Skill Demonstration’ ha kawei na ki jaka ki ba ai jingsumar ia ki ba la ngop ha ki jingdih pynbuaid kata ka New Hope De-addiction center ka ba don ha Mawdiangdiang ia ka bala pyniaid da ka KJP Assembly joing ka balang Presbyterian.
Ha kane ka sngi ki ladon ki kato katne ki jaka ai jinghikai kiba don ha Shillong ki ba la wan ban ai ki jingbatai ha kaba ia dei bad ki jait jingpule ki bapher bapher ki ba ki lah banleit pyntbit ialade. ki jaka ai jinghikai ki ba kynthup na poh ka ITI shillong, na Don bosco technical school, Don Bosco Youth Center bad kumjuh ruh na pohka Meghalaya Skill development.
Ha ka jingia kren bad u Mission Director jong ka DREAM u bah Francis G Kharshiing u la ong ba kane ka jingwan jong ki ban ai jingpynshai ka long kum shibynta ban kine ki samla kin iohi ia ka lawei hadien ynda ki la ioh ban mih na kane ka rehab center. U la ong ruh ba kane ka long ruh kum shi bynta ha ka ban aikam aijam ia kine ki samla khnang ba kin lah ban ieng ha la kijong ki kjat.
Ka Dream Mission kaba dei ka kynhun ba la wanrah da ka sorkar jylla ban ratdiengkhong pyrshah ia u drug u ba la jyllei haka jylla ha ka 7 tarik u rymphang ka la pynlong ia ka jingai jinghikai da ka Vocal Additional Training, ha new hope kaba don ha Mawdiangdiang Shillong.
Ha kane ka programme la wan ban shim bynta da ki school ai training bapher bapher kiba don ha ka nongbah, Shillong, kum ka ITI, Don Bosco Youth Centre, na Don Bosco Technical School bad ka na ka Meghalaya Skill Development bad na kiwei kiwei, ha kawei na ka Centre kaba ai jingsumar ia ki khynnah kiba la ngat ha ka jingpang na u drugs kaba la tip ka ka New Hope De-addiction Cum Counselling Centre kaba la pyniaid da ka KJP assembly jong ka Balang Presbyterian kaba don ha ka Mawdiangdiang.
Ha ka jingkren bad u bah Francis Kharshiing u ba dei u Mission Director jong ka Dream Mission u la ong ba ka jingwanrah ia kane, ka Vocal Additional Training ka long ban ai jinghikai ia ki khynnah, lyngba kine ki causes ban peit kaei kaba ki sngewtynnad, khnang ba ynda ki la koit na katei ka jingpang, kin ioh ban seng kam la jong bad ruh kaba long shibynta ban ailad ia ki ba kin lah ban ïeng ha la ki jong ki kjat.
Shuh shuh ha ka jing ia kren bad uwei na ki khynnah u ba ka lait na kane ka jingkyrni na u jingdih ba sniew, u la pynpaw ka jingsngewkmen shibun haba u ioh ai kum kine ki jinghikai, u la ong ruh ba kan wanrah ka jingmyntoi ia kito ki samla kiba ngat ha kane ka jingkyrni ba kin lah ban ïeng ha la ki jong ki kjat hadien ba ki la koid.
