Tura, Iaiong 04: Hapoh jong ka jingpyniaid jong ka Election Commission ka don ka bynta ia kaba la tip kum ka SVEEP, ka long ban hikai ia ki paidbah ba kin ia mih bad leit ban thep ia ka vote ka jong ki khlem da shim ei ei, la ka long ka pisa ne ka kyiad.
Ia kane la pynlong ha West Garo Hills mynta ka sngi ia kane ka jingialehkai ban pynsngewthuh ia ki paidbah ba kin jied ia u nongmihkhmat jong ki ha ka 9 tarik mynta u bnai khlem da shim pisa ne ban ioh kyiad.
Ka jingthmu jong kane ka jingialehkai kaba la pynlong mynta ka sngi ha ki iew ki hat bad ha ki college ka long ban hikai ia ki paidbah ba kumno ki dei ban sngewthuh ia ka jingkor dor ka vote jong ki bad ba kin ia mih ban leit thep ia ka vote jong ki khlem da don kam ban shim ei ei, ka pisa ne ka kyiad.
Ha kane ka sngi kala don ka jingiakynduh bad ka jingiakren bad ki samla pule hapoh jong ka Don Bosco College ha Tura, bad ki paidbah hapoh jong ka iew Rangram kaba don sha bar jong ka sor Tura.(SP News)
