Shillong, Rymphang 26: Ka kynhun shipai jong ki BSF na ka 193 Battalion kala pynlong ia ka jingai dawai ei ha ki shnong ha khappud bad ka Bangladesh ha Gumaghat kaba hap hapoh jong ka ka South West Khasi Hills District mynta ka sngi.
Ha kane ka sngi ki paidbah nongshong shnong katei ka thain kiba la wan ban shim dawai na kane ka jingsumar bala ai da kis hipai BSF ki long haduh 292 ngut kyntup ia ki rangbah kynthei bad ki khynnah, ia ka jingsumar la ai da ki doctor jong ki shipai BSF bad don ki paidbah kiba la ioh ia ka Tika kaba arsien.
Nalor ba ki la pynlong ia ka jingai jingsumar ei na ka liang jong ki BSF kila sam ruh ia ki kor Komputer , ki khiew, kitiar ialehkai bad kiwei kiwei ki jingdon kam ha ki iing ki sem ban iarap ban kham pynbha ia ka rukom im ha ki iing ki sem.
Na ka liang jong ki paidbah nongshong shnong kila pynpaw ia ka jingsngewnguh ia ki shipai BSF kiba la kuh kner ia ki jingiarap ia ki paidbah na ka por sha ka por, ki shipai BSF ki pynlong ia kane ka jingiarap kumba ki la kut jingmut ban wanrah ka jingiajan ha pdeng ki shipai BSF bad ki paidbah nongshong shnong ha khappud.
