Shillong, Nohprah 02: Ka KHNAM State Youth Wing ka pynpaw ka jingbynniaw bad ka pynrem jur ia ka jingbym lah jong ka sorkar jylla ban pyntrei kam ia ka ain ba la shna Kyrpang na ka bynta ki ba dong ka jingduna ha ki dkhot met kaba la don naduh u snem 1995 ka “persons with disable act 1995”,.
Ka KHNAM ka kam ba kiwei ki jylla jong ka ri India ki la pyntrei kam ia Kane ka ain, hynrei ka jingbym mon jong ka sorkar jylla ban pyntrei kam pura ia Kane ka ain kadei ka jingkhien being bad jingban being ia ka hok jong ki paidbah ki ba don ia jingduna ha ki dkhot met.
Ka jing kuman jong ka sorkar jylla ka la pynbor ia ki para doh para snam ki ba don ka jingduna dkhot met ban shong kyllain mungor ha additional sacretariate bad kane kadei ka jing lehrain ia ka sorkar jylla. Ka seng ka ai ka jingkyrshan ia Kane ka jingdawa jong ka KDA bad ngi kyrmen ba ka jingia kren ka ban long ha ka 02 tarik kan wanrah ia u soh, ym tang ki jinglular ki ba ha suin.
Ka seng ka kyrmen ba ka KDA kan ym boycut ia ka election 2018, hynrei dei ban ia shim bynta pura, khnang ba ngin lah ban ai ka jubab kaba thikna ia kine ki nongmih shmat ki bym tip ia ka deity ka jong ki. Ka seng kan long kaba leit bniah ia ki jingmih na Kane ka jingialang bad ka long kaba kloi ban mih sha khmat ban ain ka jingkyrshan ba pura ban dawa ia ka hok ka jong ki para doh para snam.
