Shillong, Nailar 26: U Myntri Rangbah ka jylla u Cornad K Sangma mynta ka sngi u la iathuh ba ka sorkar kala shim ia ka rai ban plie noh ia ki skul bad ki kolej bad ki jaka jngohkai pyrthei ha ka jylla baroh kawei naduh ka 01 Nailur 2021.
Haba kren ha ki lat pathia khubor mynta ka sngi u myntri rangbah ka jylla u la ong ba, ha ki jaka sor, na ka bynta ki klass-I haduh Klass V kin long da ka online klas, na ka bynta ki Klass VI haduh klass VIII la shah ba kin leit sha ki skul ban ioh jingiarap, na ka bynta ki klass IX haduh klass XII la shah ban long klas.
Katba ha ki nongkyndong la shah ia ki khynnah skulk lass-I haduh klass V ba kin shu leit pan jingiarap na ki ksul, katba na ka bynta ki klass VI haduh klas 12 la shah ba kin leit sha ki skul kolej. Kane ka jingai jingbit ban sdang plie noh ia ki jaka pule kan long naduh ka 01st Nailur 2021.
Na ka liang jong u mytnri rangbah ka jylla u la kren shai pat wat la ka sorkar kala shah ban plie ia ki jaka pule naduh u bnai ban wan hynrei ka shong ha ki nongpyniaid ia ki kolej bad ki skul pat ba kin shim ia ka rai la ki plie noh ne kin ap shuwa. Ka sorkar ka don ka jingkyrmen ba ki nonghikai kila dep ban ai Tika.
U Myntri rangbah u la ong ba ka sorkar kala shim ia ka rai ban plie noh ia ki jaka jngoh kai pyrthei bad ia ki nongwan jngohkai kiba na shabar ka jylla tang ba kan long tang ia kito kiba la dep ban ai baroh ar tylli ki Tika.
Haba ia dei bad ka jingialeit ia wan hapdeng kawei ka jylla bad kawei pat la shah ia kito kiba la dep ban ai baroh ar tylli ki Tika bad kane kan long na ka bynta ban leit na kawei ka District sha kawei ka District.
