Shillong, Nailur 24: U Nikma CH Marak Chairman jong ka Garo Hills State Movement (GHSM) bad u Balkarin CH Marak Co-Chairman, kila phah da ka jingthoh sha u u myntri ba dei peit ia ka tand kam bor ding jong ka sorkar jylla ban dawa ba ka Meghalaya Energy Corporation Limited (MeECL) ka dei ban bujli thymmai noh ia ki san tylli ki transformers da ki ba thymmai ha ki san tylli ki shnong ha South Garo Hills District.
Ki shnong kiba la duh ki transformer ki long ka,Mindigre, Matcha, Nokpante, Brugittim bad Masighat, ka jingduh jong kine ki transformer kala palat mynta ia ka shibnai hynrei na ka liang jong ka MeECL kam shym la leh ei ei haduh kine ki sngi.
Kane ka jingbym don light kala buh ia ki samla pule ha ka jingeh kaba khraw namar mynta ka eksam ka jong ki ruh kala ha jan, na ka liang jong ka GHSM ka kyntu ia u myntri kam bor ding u Bah Sngewbhalang Dkhar ba un shim khia ia kane ka jingbujli thymmai ia ki transformer.
Na ka liang jong u Chairman jong ka GHSMC u kyntu ia u power minister ban leh kloi noh kat ba lah ban pynsuk ia ki samla pule ha kaba pule kot pule sla da kaba bujli thymmai noh ia kine ki san tylli ki transformer kiba la duh ha South Garo Hills District.