Shillong, Lber 09: U wei u rangbah na West Garo Hills District u la ujor sha ki pulit da ka ejahar ba u la shah thok ha ki lai ngut ki briew kiba kam ba ki dei ki nongtrei ka HEM Securities Pvt Ltd kiba la phah thep pisa lyngba ka Demat Account.
Ha ka jingujor u tei u rangbah u la ong ba ha ka 28/Nohprah/2024 ka Aisha Sathika, Gririvasan Lyengar bad Santhosh Kumara kila pynithuh ia lade kum ki nongtrei jong ka HEM Securities Pvt. Ltd. Na Jaipur na ka jylla Rajeshthan.
Kine ki lai ngut kila ai ka jingkular ba lada dep pisa ha kane ka kompnei kan don ka jingsiew kaba heh da kaba leh ia ka Block Trading bad da kaba thied ia ki IPO, ka pisa kaba u la siew sha kane ka kompnei kala kot sha ka T.14.56 lak tyngka.
