Khweng, Nailar 27: Ka North East slow food and agrobiodiversity Society (NESFAS) kala pynlong ia ka jingiapyni nam ia ka rukom bam bad shet tynrai mynta ka sngi ha ka shnong Khweng ha Ri Bhoi District, ka jingthmu jong kane ka long ban pynneh pynsah ia ka ki jong ki rukom shet tynrai bad kala riti dustur jong ki jaid bynriew rit paid.
Kane ka jingiapyni nam kaba la long mynta ka sngi kala long kaba ishongkun, ha ka jingiapyni ia kabam tynrai jong ki briew katei ka thain, kane ka jingiapyni nam ka long ban wanrah ia ki briew shi jaka ba kin ia pyni iala ka jong ka jong ka rukom shet hala ki riti dustur kaba ki don, ia kaba kila ioh pateng naduh ki por kulong kumah.
Ia kane ka jingiakop ban pyninam ia ki rukom bam tynrai ka dei ka wei na ki mawjam kaba kila leit ban ia shim bynta ha ka indeginious TerraMandre (ITM) kaba la long ha Mawphlang ha u snem 2015 ha kaba bun tylli ki ri na kylleng ka pyrthei kila wan ban ia shim bynta bad kane ka long kum kajingpynsah kynmaw ia katei ka sngi.
Ha kane ka jingiakop kaba la pynlong mynta ka sngi ka long ba kinongia shim bynta ha kane ki dei ki trai shnong na katei ka thain, kiba la wan ban pyni iala ki jong ki jong ki sap kaba ki don ha kane ka jingiakop pyninam ia la ka jong ka bam tynrai kaba kila ioh pateng naduh kip or hyndai.
Shuwa ban sdang ia kane ka jingiakop pyni nam kala dong ka kren paidbah kaba lyngkot ha kaba ia dei bad ka jingia pyninam ia ka bam tynrai bad ha ka por jan miet kala don ka jingiapyni nam ia ki riam tynrai jong ka thain.
