Shillong, Nohprah 02: U Bah Boldness Lyngdoh Nongum mynta ka sngi u la shah sei tuh ka pisa na ka Account jong u kaba don ha State Bank of India haduh T.80000/- tyngka ha u briew ba kam ia lade ba u dei u Branch Manager jong ka Bank.
Haba pyntip sha u SP News Agency, Bah Nongum u la u ba don mynta hapoh Velor hospital, u la ong ba ha ka por noh phai sngi katba ki doctor ki dang sunmar ia u lada don ba phone ia u bad kami a lade ba dei u Branch Manager jong ka SBI bad u la ong ba ka pisa jong u kan nym rung namar ba la block.
Ha kane ka por u la batai ia u number jong ka ATM Card bad u la ong ba kiba lut lai dak ha dien kim shai sngewbha iathuh bad ha kane ka por u la iathuh bad ban pyntihkna ia u card number u la kylli ha duh saw sien saw wat bad mar dep iathuh kumta la poi ka message ba la thied tiar T.80000/- tyngka.
Ha dien ba la ioh ia kine ki message u la leit ban kylli na ka SBI kaba don ha Vellor bad la shem b aka pisa na ka Account jong u la shah sei haduh T.80000/- tyngka. La ong ba u briew ba kam ia lade ba dei u branch manager u khlem pam ia u pin number lane wat ia ka password.
Ha dien ba la lap ba la shah sei ia ka pisa na ka Account jong u, u la phone biang sha u number ba phone ia u , ym shym la ioh shuh bad ha kane ka por u sa sngewthuh ba la dei ki nongtuh. U la ong ba lada kane ka jingleh u Modi ban ong ia ki briew ban buh pisa ha bank ka long ka jingma lada dang lah ban sei tuh ia ka pisa tang ba tip ia ka ATM card number.(SP News)
