Shillong, Lber 21: Ka ophis jong ka Shillong Customs mynta ka sngi kala thang ia u Ganja ba 1019.490 klilo bad ia u drok 2.437 kilo baroh kine kila shong dor haduh T.19.17 klur tyngka, kine baroh kidei kiba la ioh ban kurup hapoh ka ain NDPS Act, 1985.
Ka jingthang ia kine ki drok la leh mynta ka sngi ka 21/3/2024 ha khmat jong ki ophisar kiba dei peit na ka kynhun kiba dei ia ka jingpynjot ia ki drok kiba dei na ka ophis jong ka Customs bad na ka DRI.
Kane ka jignthang ne pynduh noh kaba la shim da ki Customs ka long ban pyndep ia kane ka jingbret ia kitei ki jingdih ba sniew haka rukom kaba dei na ka bynta ka jingbit jignbiang jingbha ki paidbah bad kane ka long ban pynlait ia ka Ri India na u Drok.
Ban shu kdew ba ka ophis jong ki Customs kaba don ha Shillong na ka por sha ka por kila ioh ban kurup ia ki drok bad ki Ganja kiba wan sha bar ka jylla Meghalaya bad katkum ki kyndon ain mynta ka sngi kila pynduh da kaba thang ia ki.
