Tura, Naitung 27: U secretary ka All India Congress Committee u Zenith Sangma u la ther kylla ia u Symbud Myntri Rangbah ka jylla u bah Prestone Tynsong ha kaba u la ong ba ka ain Pandemic Act 1897 kala kren shai ba kat kum kane ka ain ka sorkar kan nym ngat hapoh ki iing bishar katkum kane ka pandemic Act 1897.
Ha ba kren ha ki lat pathai khubor mynta ka sngi ha Tura u la ban biang ban ia khun pyrshah ia u khniang jingpang dei ban iathuh ia ki kyrteng kiba la ioh ia u COVID-19 ba ki paidbah kin nang ban kiar, ka jingong ba shah niew be in kan nym mih kane ka jingsngew kan jah suki.
U tei u nongialam ka seng congress u la ong ba katkum ka ain Pandemic Act 1897 la aisa bor ia ka sorkar ban leh ia kaba don kam bad ka sorkar kan nym ngat ha ki iing bisar, u Zenith u la kynnoh ba u Symbud Myntri Rangbah u khlem pule bha ia katei ka ain.
U buh ka jingkylli hapoh jong kano ka ain la khangress ia ka hok ki paidbah ban iaid ban ieng, hato kam dei da kaba pyntrei kam ia ki kyndon hapoh jong kane ka pandemic Act 1897. Ka jingdawa ba dei ban iathuh ia ki kyrteng kiba ioh ia u COVID-19 ka long ban iada ia ki briew na kane ka khlam.
Ka jingialeh ban khanglat ia ka jingsaphriang u ne u khniang jingpang kam dei tang ka sorkar marwei hynrei da ka jingiatrei jong baroh. Haba ka WHO kala pynbna ba Carona Virus ka dei ka khlam ka sorkar pdeng ha ka 14 Lber 2020 kala pynmih ia ka jingpynbna sorkar ba ka dei ka jingshah pynjulor “Disaster”.
Ka jingong ba ka ktah ia ka kyndon trei kam ki doctor bala tip kum ka Medical Ethics, lada pyntreikam ia ka pandemic Act 1897 kane ka ain kan long halor, u nongialam ka liang pyrshah u la dawa na ka sorkar ban long shai halor kane wat hapoh ka iing dorbar thawain ka jylla, la ong u Zenith.
