Byrnihat,Iaiong 04: Mynta ka sngi ka Seng BJP ka la leit ban ialap Elektion ha Byrnihat kaba ha Ri Bhoi District na bynta ka election MP ka ban sa long ha ka 9 tarik mynta u bnai. U kyrtong ka seng BJP U bah Shibun Lyngdoh u ban ia aireng na ka 1-Shillong Parliamentary seat.
U bah Kedious Thongni haba kren ha kane ka jingialang ha ka ne ka sngi u la ther tyngeh ia ka sorkar Congress ha ka jingbym lah jong ka ban ia pynbeit noh ia u pud u sam ha kaba iadei ka Assam bad ka Meghalaya, u la ong ruh balei ba ha Meghalaya ha Assam bad ha Delhi ruh kumjuh ka sorkar ka dei ka congress hynrei balei pat kim lah ban leh ha kaba iadei bad kane.
“Nga sngew ban ong ia baroh ki nongmih khmat la ki dei ki MLA ne MDC ki dei ban pyni da ki kam ynda ki la jop ia ka elektion ym ba kin shu kren tang da ki ktien pyn bang bad pynbiej tang haka por bym dep ka election hynrei ynda la dep pat kin ym leh ei ei” ong u bah Kedious.
U bah Thongni u la ong ruh lada ka sorkar Congress ka ai shi sha ka jingshakri kaba bha ia ki paidbah kin ym mih kiei kiei kum ka jingleit rung ki khun samla mynta sha ki seng lehnoh kadaw ba kongsan eh ba ki khun samla ki leh kumne ka long ba ha ka jingbyn banse ha ka jingkutlad ka jingbym iohkam iohjam wat haba kila pyndep ia ki jingpule bapher bapher.
Nga buh ka jingkyrpad ha khmat jong phi ki paidbah hakane ka kynti kaba mynta to ngin ia ai lad noh ia u bah Shibun Lyngdoh u kyrtong na ka seng BJP u bah Lyngdoh kat kum ka jingpeit jong ka seng u la long u briew u ba la biang bha ha ki liang bahroh bad u ba la biang ban bha ban long ku u nongmih khmat sha ka iing dorbar Thawain ha Delhi ban iasaid na ka bynta ka ri bad ka jaitbynriew.
U bah Compher Basaiawmoit u president jong ka Nongpoh haba u ai ka jingkren ha ki paidbah hakane ka por u la ong haba phai ha ak liang ka shynshar ka khaddar jong ka congress la iohi kumba ka kjit ia u paidbah,bad la arphewphra snem mynta la ioh ia ka jylla hynrei kam lah satia tang ban ia pynbeit noh ia u pud u sam,bad haba phai ha ki laing ka roi ka par ruh ka jylla Meghalaya ka dei kaba dang sahdien hapoh North East.
U khot nga wer ia ki paidbah ba ia ka ka jingkyrshan kaba pura ia u ne u kyrtong na ka seng BJP, bad nga kyrpad ia phi ki paidbah ba phin ia mih ryntih ha ka 9 tarik mynta u bnai ba phin ym pynsep ei ia ki vote jongphi bad sngewbha ai ka jingkyrshan ba pura ia u ne u kyrtong la pynkut u b ah Compher.
Ki wei pt ki riew rangbah kiba la iadon lang ha akne ka sngi ki long u David Marak general sect BJP tura, Bimal saikia Vice president Jirang block bad ki wei ki wei.(SP News)
