Shillong, Iaiong 09: Ka MP jong ka 2-Tura ka Agatha Sangma mynta ka sngi kala thoh da ka shithi sha u myntri ka sorkar pdeng u Dharmendra Pradhan ba dei peit ia ka tnad pule puthi ban buh ia ka “Common University Entrance Test (UG) ha Tura.
Ha ka shithi kaba la thoh da ka MP na Tura kala ong ba naduh une u snem 2022-2023 ka sorkar pdeng kala shim ia ka rai ban pynlong ia ka Common University Entrance Test CUTE (UG) ban ioh pule ha ki skul bah jong ka sorkar pdeng.
Ia kane ka eksmin la buh ban pynlong ha ka taiew ba nyngkong lane taiew ba ar jong u Naitung 2022, katkum ka jingtip kaba la ioh ka MP na Tura ka long ba ha Meghalaya kam don ia ka jaka thoh eksam na ki lai tylli kala dwa ba dei ban buh kawei kaba hap hapoh jong ka Tura Parliamentary Konstitwensi.
Ka MP na Tura kala Kyntu ia u myntri ka sorkar pdeng ba dei peit ia ka pule puthi ba un bthah ia ka ‘National Test Agency” ban buh kawei ka jaka thoh eksamin ka ban long ha Tura na ka bynta ka Garo Hills baroh kawei na ka bynta kane ka snem 2022-2023.
